Am Kader vun "Esch2022 - europäesch Kulturhaaptstad" ass elo e flott Gesellschaftsspill iwwert de Minett erauskomm. Mir, als Magic Multimedia, sinn houfreg, dass mir bei dësem Projet konnte matmaachen. D’Redaktioun vum Spill hunn zwee richteg Kenner vum Minett gemaach:den Thierry Kruchten (Esch2022) an de Yann Logelin (Minett UNESCO Bisophere /Pro Sud) an Dir kënnt Iech op e flotte Spillowend freeë mat Quizfroen a Geo-Positiounskaarten, nom Muster, dat Dir vun eise Spiller kennt. Och wann Dir keng Minettsdäpp sidd, sollt Dir matspillen, well Dir léiert op eng spilleresch Aart a Weis souvill iwwert d’Minettregioun – mega cool Naturplazen, bekannt an onbekannt Uertschaften, Quartieren, touristesch a kulturell Sitten.
Dir kritt d´Spill an all Cactus-Supermarché, an alle Librairie vum Ernster, an der Librairie Diderich zu Esch, am Esch2022 Visitor Centre zu Esch, „Eis Epicerie“ zu Zolwer, beim Feidt zu Péiteng, am Domino an der Stad (Rue Louvigny), beim Rischette zu Jonglënster, bei Samkats zu Iechternach an an der Foire-Fouille am Pommerlach.
Weider Infoen op www.esch2022.lu an www.minett-biosphere.lu.
Vill Spaass!
« Jo, ech weess ! »
2019 koum d’Iddi op fir e Geo-Quiz-Gesellschaftsspill iwwer Lëtzebuerg an a Lëtzebuerger Sprooch erauszebrengen.
De Succès war enorm: bis elo sinn iwwer 30.000 Spiller verkaaf ginn an et gëtt weider un ähnleche Projeten geschafft. Mir proposéieren Iech d’Ausschaffe vun Äerem perséinleche Spill an Ärem Corporate Design.
Ärer Fantasie si keng Grenze gesat!
Eis Grafik-Equipe ass do fir Iech.
Sief et fir d’Gestaltung vun engem Logo, engem kompletten Corporate Design oder fir de Layout an Drock vu Flyeren, Katalogen oder Affichen – a klengen an a groussen Oplagen.
Wéi 2003 déi éischt Emissioun vum Fernsehkrimi-Quiz
„Kommissär Kniwwel“ op RTL gewise gouf, war d`Resonanz immens.
D’ganzt Land huet nom Mäerder gesicht… Aus der Erfahrung raus hu mir duerno ganz vill Opträg kritt fir audio-video-Produktiounen, vum einfache Clip bis zum grousse Live Event.
Op klenge Betrieb oder grousse Konzern, jiddfereen brauch Werbung!
Dobäi ass et wichteg, en zouverlässege Partner ze hunn, deen Erfahrung an déi richteg Kontakter huet.
Mir huelen eis Zäit fir Äer Projeten, berooden Iech gäeren a stellen zesumme mat Iech e Budget zesummen.
100 Uertschaftskaarten
50 Quizfroen
Gratis Bäilag iwwert d'Minett-Regioun
Ab 10 Joer
€ 29.90.-
.
Magicmultimedia gouf 1995 vum Guy Heintz gegrënnt a gouf virun allem duerch de grousse Succès vun de Gesellschaftsspiller aus der Serie „Kenns du Lëtzebuerg?“ bekannt. Mee do dernieft ass magicmultimedia och eng klassesch „Agence de communication", déi souwuel am Print- wéi och am audio visuelle Beräich aktiv ass a „sur mesure“ Léisungen fir all Budget offréiert.
1995 huet de Guy Heintz magicmultimedia als mediale Support fir de Reesbüro „Magic Tours“ an d’Liewe geruff. Dës Reesgesellschaft war am ganze Land bekannt als Spezialist fir Amerika-Reesen an magicmultimedia huet sech souwuehl ëm d’Reeskataloge wéi och ëm e sëlleche Werbeaktioune bekëmmert.
No den trageschen Evenementer vum 11.September 2001 an Amerika huet „Magic Tours“ missten d’Dieren zouspären an de Guy Heintz konnt sech dunn intensiv ëm d’Aktivitéite vu magicmultimedia bekëmmeren.
Zënter 2002 goufen eng Abberzuel vu kreative Projete realiséiert, z.B.e Kinospot fir d’Luxlait (mam Thierry van Werweke), d’Produktioun vun derKrimi-Quizsendung „Kommissär Kniwwel“ (5 Episoden op RTL), DVD-Produktiounen fir e. a. Fascination, ESIMSO, Regioun Mëllerdall, Zitha-Klinik, M.E.N., TV- a Radiospotte fir verschidde Clienten, Flyeren, Plakater, Katalogen, Broschüren, Annoncenan alle Formater an de Lëtzebuerger Dages- a Wochenzeitungen a souguer eng deeglech Rees-Sendung op RTL fir Demy Schandeler (demytv) wärend 6 Méint am Joer 2017.
2019 koum dunn d’Iddi op, fir e Geo-Quiz-Gesellschaftsspill iwwer Lëtzebuerg an a Lëtzebuerger Sprooch erauszebréngen. De Succès war enorm: bis elo sinn iwwer 30.000 Spiller verkaaft ginn.
